बुधबारको सुनुवाइ शुरु, बहसका लागि ३० मिनेटको समयसीमा तोकियो

काठमाडौं : प्रतिनिधिसभा विघटनविरुध्दको मुध्दामाथि बुधबारको सुनुवाइ शुरु भएको छ । सर्वोच्चको संवैधानिक इजलासमा बुधबार सुनुवाइ शुरु भएसँगै बहसका लागि ३० मिनेटको समयसीमा तोकिएको छ । 

यसअघि समयसीमा नतोकिदा एउटै अधिवक्ताले तीन घण्टासम्म बहस गर्ने गरेका थिए । एउटैले घण्टौ बहस गर्दा अरु अधिवक्ताले पालो नपाउने समस्या थियो । समयसीमा तोकेर सबै अधिवक्ताको बहस सुनेपछि समयमै अन्तिम फैसला सुनाउने तयारी न्यायाधीशको छ । 

प्रतिनिधि सभा विघटनविरुद्ध सर्वोच्चमा दर्ता भएका दर्जन बढी रिटमाथि सुनुवाइ चलिरहदा बहसका लागि ३ सय ६३ जना अधिवक्ताले नाम दर्ता गराएका छन् । आइतबारदेखि शुरु भएको निरन्तर सुनुवाइमा मंगलबारसम्म ११ जना अधिवक्ताले बहस सकेका छन् ।