युक्रेनसँगको सीमामा बेलारुसले सेनाको संख्या दोब्बर बनाउने

बेलारुस- बेलारुसले युक्रेनसँगको सीमामा सेनाको संख्या दोब्बर बनाउने भएको छ । बेलारुसले युक्रेनसँगको दक्षिणी सिमानामा आफ्नो सेनाको संख्या दोब्बर बनाउने भएको हो ।

'सीमामा रहेका पाँच वटा रणनीतिक बटालियन समूह आगामी दुई दिनमा १० पुग्नेछ' राष्ट्रपति अलेक्ज्याण्डर लुकासेन्कोले भने ।

'यी उच्च प्रशिक्षित मोबाइल समूहहरू हुन् जुन बेलारुसविरुद्ध कुनै पनि उत्तेजना र कुनै पनि सैन्य कारबाही रोक्न तयार छन्,' उनले आफ्नो सुरक्षा परिषदलाई भने ।

बीबीसीका अनुसार लुकासेन्कोले यो परिचालनलाई निवारक कार्य भनेका छन् ।  जसले 'देशमा युक्रेनी कट्टरपन्थी र हतियारको प्रवेशलाई रोक्न मद्दत गर्छ'।