किभमा फेरि आक्रमण सुरु

किभमा रुसद्‌वारा आक्रमण सुरु । तस्बिर : रोयटर्स

किभ, युक्रेन- रुसी फौजहरूले युक्रेनको राजधानी किभमा फेरि आक्रमण थालेको युक्रेनी सेनाले जनाएको छ ।

'किभवरपर स्थिति तनावपूर्ण छ,' युक्रेनी सशस्त्र फौजका प्रमुखले फेसबुक पेजमा लेखेका छन् ।

'शत्रुहरू लडाइँमा पराजित भइरहेको तथ्यबीच उनीहरूले सेना तथा गैरसैनिकमाथि प्रहार गरिरहेका छन्,' उनले थपेका छन् ।

उच्च प्रशिक्षित बेलारुसी सैनिकहरू रुसी अतिक्रमणमा सामेल हुने योजना रहेको पाइएको पनि सशस्त्र फौजका प्रमुखले बताएको बीबीसीले उल्लेख गरेको छ ।

यसअघि सोमबार अमेरिकी विदेश मन्त्रालयले बेलारुसी फौजको गतिविधिबारे कुनै सङ्केत प्राप्त नभएको जनाएको थियो ।