संसद्‍ भवनअगाडि शंकास्पद बस्तु फेला

काठमाडौँ - संघीय संसद्अन्तर्गतको प्रतिनिधि सभा भवन नयाँ बानेश्‍वरअगाडी शंकास्पद बस्तु फेला परेको छ । प्रहरीका अनुसार संसद् भवनअगाडि बम जस्तो देखिने शंकास्पद बस्तु फेला परेको हो । 

शंकास्पद वस्तु भेटिएपछि उक्त क्षेत्रलाई सुरक्षा दिइएको छ । मुख्य सडक बन्द गरिएको छ । उक्त वस्तु निष्क्रिय पार्नका लागि नेपाली सेनाको डिस्फोजल टोलीलाई खबर गरेको प्रहरीले जनाएको छ । 

गएराति संसद्‍बाट एमसीसी पारित भएपछि विप्लव नेतृत्वको नेकपासहितका दलले आज नेपाल बन्दको आह्वान गरेका छन् । उनीहरूले नै शंकास्पद बस्तु राखेको हुनसक्‍ने प्रहरीको अनुमान छ । 

तस्बिर: अनुज बज्राचार्य