पल शाहद्वारा प्रहरीसमक्ष आत्मसमर्पण

तनहुँ प्रहरी कार्यालयमा अभिनेता पल शाह

काठमाडौँ- कलाकार पल शाहले तनहुँ प्रहरी समक्ष आत्मसमर्पण गरेका छन् । एक नाबालिग गायिकामाथि बलात्कार आरोप लागेका पलले आज तनहुँ पुगेर प्रहरीसमक्ष आत्मसमर्पण गरेका हुन् । 

उनीविरुद्ध नाबालिग गायिकाले गत साता तनहुँ प्रहरीमा उजुरी दिएकी थिइन् । प्रहरीले पललाई फरार सूचीमा राखेको थियो । पलले आज फेसबुकमा स्टाटस लेख्दै आफूले कानुनलाई पालना गर्ने र प्रहरीसमक्ष आजै उपस्थित भएर आत्मसमर्पण गर्ने उल्लेख गरेका थिए ।