शनिबार स्थानीय तहमा कांग्रेसको विरोध प्रदर्शन

काठमाडौंः प्रतिनिधिसभा विघटनको विरोधमा नेपाली कांग्रेसले शनिबार सबै स्थानीय तहमा विरोध प्रदर्शन गर्ने भएको छ । 

नेपाली कांग्रेसले प्रतिनिधिसभा विघटन गर्ने प्रधानमन्त्री केपी शर्मा ओलीको कदम असंवैधानिक र अलोकतान्त्रिक भएको ठहर गर्दै त्यसको विरोधमा पुस १३ गते १६५ निर्वाचन क्षेत्र र पुस २५ मा ३३० प्रदेशसभा निर्वाचन क्षेत्रमा विरोध प्रदर्शन गरेको थियो । 

नेपाली कांग्रेसले संविधानको व्यवस्था र भावना प्रतिकूल र जनभावना विपरितको कार्यमा नेपाली कांग्रेस एकमतले उभिने उल्लेख गर्दै विरोध प्रद्धर्शनमा ऐक्यवद्धता जनाउन आग्रह गरेको छ ।