बिचौलियाबाट एक लाख घुस लिएका खरिदार अख्तियारको फन्दामा

फाइल फोटो

काठमाडौँ : अख्तियारले खरिदार र दुई जना बिचौलियालाई १ लाख ३५ हजार रुपैयाँसहित पक्राउ गरेको छ । बिहीबार मालपोत कार्यालय काठमाडौँँ चाबहिलबाट तीन जनालाई अख्तियारले पक्राउ गरेको हो ।

पक्राउ पर्नेमा कार्यालयका खरिदार लक्ष्मण बस्नेत, बिचौलिया बिनोद श्रेष्ठ र मिना मगर छन् । उनीहरुलाई चाबहिलकै मुस्ताङ हाम्रो थकाली भान्छा घरबाट पक्राउ गरिएको अख्तियारको विज्ञप्तिमा उल्लेख छ । 

निवेदक जगत श्रेष्ठले आफ्नी दिदीको मृत्यु भएपछि आफ्नो नाममा जग्गा नामसारी गरिदिन माग गर्दा खरिदार बस्नेतले घुस मागेका थिए । घुस दिन गएका दुई जनाले एक लाख रुपैयाँ दिएको र बाँकी ३५ हजार काउन्टरबाट बरामद गरिएको पनि अख्तियारको विज्ञप्तिमा उल्लेख छ ।