किरणको ‘अन्तिम इच्छा’मा पुष्प र पूजा

काठमाडौँ -झण्डै दुई दशकदेखि संगीतमा सक्रिय गायक किरण पुन्जले ‘अन्तिम इच्छा’ बोलको गीत सार्वजनिक गरेका छन् । प्रयाग संगीत विद्यालयबाट संगीत प्रभाकर गरेका पुन्ज २०६४ साल देखि काष्ठमण्डप विद्यालयमा संगीत शिक्षकको रुपमा कार्यरत छन् ।

२०६६ सालमा किरण नामक एल्बम प्रकाशन गरेर चर्चामा आएका पुन्जले विभिन्न शास्त्रीय संगीतका कार्यक्रमहरूमा पनि गीत गाउँदै आइरहेका छन ।
पुन्जले आफ्नो पछिल्लो म्युजिक भिडियो ‘अन्तिम इच्छा’मा नायक पुष्प खड्का र नायिका पूजा शर्मालाई जोडी बाँधिदिएका छन् ।

यो जोडीले दर्जन बढी भिडियोमा एकसाथ काम गरिसकेको छ ।गीतमा राजेन्द्र वाइबाको शब्द र संगीत रहेको छ । निकेश खड्काको निर्देशनमा तयार भएको भिडियोमा विकास धमलाले सम्पादन तथा वुद्ध थापाले छायांकन गरेका छन् ।