किन शंका गर्छौँको 'ड्वएट भर्सन' सार्वजनिक

काठमाडौँ -  कुनै समय थियाे अधिकांश गीतकाे 'रिमिक्स भर्सन' सार्वजनिक हुन्थे । अहिले समय फेरिएको छ । पुराना गीत-सङ्गीतहरू नयाँ-नयाँ 'भर्सन'मा बजारमा आउन थालेका छन् । करिब ९ वर्षअघि सार्वजनिक भएको किन शंका गर्छाै बाेलकाे गीतकाे पनि ड्वएट भर्सन सार्वजनिक भएको छ ।

गायक प्रमाेद खरेलकाे आवाजमा रहेकाे चर्चित गीतमा संगित भरेका थिए संगितकार राजकुमार बगरले । गायत्री थापाकाे शब्द रहेकाे उक्त गीत नयाँ भर्सनमा बजारमा आएकाे हाे ।

नयाँ ड्वएट भर्सनमा सार्वजनिक भएको उक्त गीतमा प्रमाेद खरेलसँगै गायिका मिलन नेवारले स्वरमा साथ दिएकी छिन्। गायत्री थापाकाे शब्द रहेकाे गीतमा राजकुमार बगरले संगित भरेका छन् ।

उक्त गीतकाे भिडियोमा नायक पल शाह र पुजा शर्मालाई देख्न सक्छाैँ । त्रिवेणी डिजिटल रेकर्डिङ स्टुडियाेमा रेकर्ड भएको उक्त गीतकाे भिडियाे निर्देशन क्रान्ति केसीले गरेका हुन् ।