समाजवादी प्रेस संगठनको प्रदेश अध्यक्षमा पोखरेल

विराटनगर – नेकपा एकीकृत समाजवादी निकट पत्रकारहरुको संगठन समाजवादी प्रेस संगठनको प्रदेश १ समितिको अध्यक्षमा बन्धु पोखरेल चयन भएका छन् ।यसअघि प्रदेश तदर्थ समितिको अध्यक्ष तोकिएका पोखरेललाई बुधबार विराटनगरमा सम्पन्न प्रथम प्रदेश भेलाले सर्वसम्मत रुपमा अध्यक्ष बनाएको हो । पोखरेल प्रदेश १ का मुख्यमन्त्री राजेन्द्र कुमार राईको प्रेस सल्लाहकार हुन् । 

उनको अध्यक्षतामा १७ सदस्यीय प्रदेश कमिटी चयन गरेको छ । प्रदेश कमिटीको दुई उपाध्यक्षमा राजेन्द्र पोखरेल र ज्ञानु घिमिरे, सचिवमा भोला श्रेष्ठ, तीन सहसचिवमा राजकुमार दाहाल, राजकुमार खाती, सुखिलाल चौधरी र कोषाध्यक्षमा रंगिता गजमेर चयन भएका छन् ।

त्यसैगरी सदस्यहरुमा अनिता भट्टराई, जय राई, शान्तिराम नेपाल, पप्पु यादव, मुस्ताक आलम, स्वर्णिमहाङ फोम्बो, किशोर उपरकोटी, रविन्द्र चौधरी र खेम दाहाल रहेका छन् । संगठनको केन्द्रीय कमिटीबाट यसअघि पदाधिकारीमात्रै तोकिएको थियो । 

त्यसैगरी प्रदेश भेलाले ध्रुव भट्टराईको अध्यक्षतामा मोरङ जिल्ला कमिटीलाई पनि पूर्णता दिएको छ । उपाध्यक्षमा सन्तोष राजवंशी, सचिवमा उत्तम पोखरेल, सहसचिवद्वय मिलन अधिकारी र छविराज ढकाल तथा कोषाध्यक्षमा विमला रेग्मी सर्वसम्मत चयन भएका छन् । संगठनको सदस्यहरुमा टिकाप्रसाद गौतम, प्रदीप काफ्ले, कविता कोइराला, यसोदा कार्की, पार्वति कटुवाल, विना ढुंगेल, रिया खड्का, निर्मला ढुंगाना, स्वस्तीका भट्टराई, विवेक न्यौपाने र निरज मल्ल चयन भएका हुन्।

संगठनका केन्द्रीय बरिष्ठ उपाध्यक्ष विश्वमणि सुवेदी, उपमहासचिव रामकुमार एलन, नेपाल पत्रकार महासंघ प्रदेश १ का अध्यक्ष लिलाबल्लभ घिमिरे, प्रेस सेन्टर प्रदेश १ का बरिष्ठ उपाध्यक्ष नवराज कट्टेल, प्रेस युनियन मोरङका अध्यक्ष भोजराज बस्नेत लगायतले भेला सफलताको शुभकामना दिएका थिए ।