उपकुलपतिका सल्लाहकारलाई पदबाट हटाइयो

फाइल तस्बिर

कर्णाली : मध्यपश्चिमाञ्चल विश्वविद्यालयका उपकुलपति नन्दबहादुर सिंहका सल्लाहकार हरिप्रकाश चन्दलाई पदबाट हटाइएको छ । विश्वविद्यालयको यही पौष २२ गते बसेको कार्यकारी परिषद्‍को बैठेकले सल्लाहकार चन्दलाई पदमुक्त गर्ने निर्णय गरेको थियो ।

उपकुलपतिका सल्लाहकार चन्दले उपकुलपतिको नियमित सम्पर्कमा नभई मनोमानी ढंगले काम गरेको बन्दै पदमुक्त गरिएको उपकुलपतिको कार्यालयले जनाएको छ ।

लामो समयसम्म बिना जानकारी मनोमानी ढंगले काम गर्ने गरेको, संस्थागत हितभन्दा व्यक्तिगत स्वार्थ देखिने कार्य गर्ने गरेको र पदीय आचरणभित्र नरहेको र बारम्बार सामाजिक सञ्‍जालमा मनोमानी हिसाबले लेख्‍न थालेपछि पदमुक्त गरिएको उपकुलपतिको कार्यालयले जनाएको छ ।

पौष २२ गतेदेखी लागु हुने गरी सल्लाहकार पदबाट चन्दलाई हटाइएको छ । उपकुलपतिको सम्पर्क कार्यालयले फेसबुक पेजमार्फत चन्दलाई अबदेखि कार्यालयसँग सम्बन्धित कामको प्रयोजनका लागि सम्‍पर्क नगर्न नगराउन पनि सूचित गराएको छ ।