कर्णालीमा आगलागी व्यवस्थापन तालिम

फोटो स्रोत : सुशिल राउत

सुर्खेत : कर्णालीमा आगलागी व्यवस्थापनका लागी जनशक्ति उत्पादन र परिचालनसम्बन्धि तालिम सुरु भएको छ । युएसआइडी तयार नेपालको सहयोगमा सुर्खेतको वीरेन्द्रनगर नगरपालिकामा आगलागी व्यवस्थापन सम्बन्धी ७ दिने तालिम सुरु भएको हो ।

विपद् जोखिम तथा व्यवस्थापन परियोजना अन्तर्गत सुर्खेतको वीरेन्द्रनगर नगरपालिका तथा गुर्भाकोट नगरपालिकाका फायर ब्रिगेट कर्मचारीहरुका लागि विपद् व्यवस्थापन सम्बन्धी तालिम सुरु भएको तयार नेपालका कार्यक्रम संयोजक राजेश सोनीले जानकारी दिए ।

कुनै पनि बेला आइपर्ने विपद् व्यवस्थापनका लागि तयारी अवस्थामा रहन तथा पूर्वतयारीको लागि क्षमता अभिवृद्धि तालिम सञ्चालन गरिएको वीरेन्द्रनगर नगरपालिकाका मेयर देवकुमार सुवेदीले जानकारी दिए । 

तालिमले आगलागी व्यवस्थापनका लागि दक्ष जनशक्ति उत्पादन र परिचालन गर्ने उद्धेश्य राखेको छ । तालिमको सहजकर्ता सुनिता भारद्धाजले गरेकी छन् ।