एसईई परीक्षा वैशाख ९ गतेदेखि हुने

फाइल तस्वीर

काठमाडौं - माध्यामिक शिक्षा परीक्षा (एसईई) वैशाख ९ गतेदेखि हुने निर्णय भएकाे छ । बुधबार बसेको राष्ट्रिय परीक्षा बोर्डको बैठकले एसईई वैशाख ९ गतेदेखि २० गतेसम्म सञ्चालन गर्ने निर्णय गरेको हो ।

बोर्डका अध्यक्ष महाश्रम शर्माका अनुसार स्थानीय चुनावको मितिसँग एसईईको तालिका नजुधोस् भनेर निर्वाचनको मिति तोकिएपछि मात्रै एसईईको समयतालिका निर्धारण गरिएको हाे ।

बाेर्डले परीक्षाको समयतालिका भने बिहीबारको गोरखापत्र र बोर्डको वेबसाइटमा सार्वजनिक गर्ने जनाएकाे छ ।