सुनचाँदी व्यवसायी महासंघको अध्यक्षमा माणिकरत्न शाक्य सर्वसम्मत

काठमाडौं : नेपाल सुनचाँदी ब्यवसायी महासंघको अध्यक्षमा माणिकरत्न शाक्य सर्वसम्मतरुपमा निर्वाचित भएका छन् । महासंघको तेस्रो महाअधिवेशनमा शाक्य निर्वाचित भएका हुन् । 

आइतबार सातौं तथा आठौं बार्षिक साधारणसभा तथा आइतबार सम्पन्न भएको छ । शाक्य महासंघका वरिष्ठ उपाध्यक्ष थिए । महासंघका अध्यक्ष मोहन सुनारको सभापतित्वमा सो कार्यक्रम सम्पन्न भएको थियो । 

साधारणसभावाट वरिष्ठ उपाध्यक्षमा अर्जुन रसाइली निर्वाचित भएका छन् । उपाध्यक्षहरुमा क्रमशः मोहन काजी शाक्य, दियेश रत्न शाक्य, र विपिन रामुदामु निर्वाचित भएका छन् । यस्तै एशोसिएटस् उपाध्यक्षमा पवन सोमानी निर्वाचित भएका छन् । यस्तै महासचिवमा धर्मशुन्दर बज्राचार्य, कोषाध्यक्षमा सुदिप श्रेष्ठ, सचिवद्धयमा किरणभाई बज्राचार्य र वावुराम विश्वकर्म निर्वाचित भएको छन् । प्रवक्तामा मनोज कुमार शाह निर्वाचित भए ।। यस्तै सह कोषध्यक्षमा पद्मशुन्दर शाक्य निर्वाचित भएका छन् ।  

महासंघका विधानमा ५५ सदस्यिय कार्यसमिति रहने ब्यवस्था भए अनुरुप यी सबै पदमा निर्विरोध भएको हो । साधारणसभाले विधान संशोधनगरी केही नयाँ पद सिर्जना गरी त्यसमा विभिन्न व्यक्तिहरुलाई चयन गर्ने निर्णय पनि गरेको छ । जस अनुसार प्रस्तावित उपाध्यक्षहरुमा शिव सर्राफ, निर्मल विश्वकर्मा, दुर्गा वहादुर सुनार, महेन्द्र रत्न शाक्य, जोगलाल विश्वकर्मा र भरत अग्रवाल छन् । प्रस्तावित सचिवमा केश वहादुर सुनार तथा प्रश्तावित सहकोषध्यक्षमा रमेशह रसाइली छन् ।