घर भत्किँदा एकको मृत्यु

रौतहट– अविरल वर्षाका कारण घर भत्किँदा एक जनाको मृत्यु भएको छ । घरले च्यापिएर बौधीमाई नगरपालिका– १ अजगैबी बस्ने ४५ वर्षीया फुलमतिया देवीको शुक्रबार दिउँसो मृत्यु भएको हो ।

घरमा सुतिरहेको अवस्थामा अबिरल बर्षाको कारण घर भत्किँन जाँदा च्यापिएर गम्भीर घाइते भएकी उनको उपचारको लागि मौलापुरतर्फ लैजाने क्रममा बाटोमै मृत्यु भएको प्रहरीले जनाएको छ।  यस सम्बन्धमा प्रहरीले थप अनुसन्धान गरिरहेको छ ।