पर्यटकीय गाउँ हेलम्बुमा ८ फिट बाक्लो हिउँ

सिन्धुपाल्चोक–सिन्धुपाल्चोकको पर्यटकीय गाउँ हेलम्बु गाउँपालिकामा हिमपात भएको छ । हल्का वर्षापछि झरेको हिउँ हेलम्बुको गाउँभर ६ फिट बाक्लो हिउँ जमेको छ ।
यति बाक्लो हिउँ करिब ३३ वर्षपछि जमेको हो । दुई वर्षअघि हेलम्बुका विभिन्न स्थानमा ६ फिटसम्म बाक्लो हिउँ जमेको थियो ।
गाउँपालिका अध्यक्ष निमाग्याल्जेन शेर्पाले हेलम्बुको ’ हेलम्बुको तार्केघ्याङ, मेलम्ची घ्याङ, तेजेनथाङ, कुटुम्साङ, घोप्टे घ्याङ, ठाडेपाटी, तार्तुङसम्म अत्यधिक हिउँले ढाकेको बताए।
स्थानीय ६५ वर्षीय कामी लामाले भने, ‘३० वषपछि मात्रै यत्तिको बाक्लो हिउँ परेको हो, अब त बाहिर निक्लन सकिन्न, यसरी कठ्याङग्रिएर हिउँद बित्ने भो ।’ हेलम्बुको तार्केघ्याङ, मेलम्ची घ्याङ, तेजेनथाङ, कुटुम्साङ, घोप्टे घ्याङ, ठाडेपाटी, तार्तुङसम्म अत्यधिक हिउँले ढाकेको उनले सुनाए ।
स्थानीय वृद्धाकाअनुसार हेलम्बुमा २०४५ सालमा बाक्लो हिउँ जमेको थियो । त्यसपछि पछिल्लो तीन वर्षदेखि हिउँ बाक्लिएको हो । हेलम्बुको तल्लो भेगसम्म अहिले हिउँ जमेको छ ।
हिउँ जमेपछि जनजीवन कष्टकर भएको छ। सवारी आवागमन अवरुद्ध भएको स्थानीयले छिरिङ लामाले बताए। ‘सवारी हिउँमा फसेको छ,’ उनले भने ।
गुम्बैगुम्बाको सहर शेर्माथान्, महायोगी मिलारेपाको तपस्यास्थल झिचेन गुफासमेत हिउँले भरिएको छ । हिउँ बाक्लिएपछि आन्तरिक पर्यटकको चाप बढेको लामाले जानकारी दिए ।