मोटरसाइकल चोरी आरोपमा एक पक्राउ

पर्सा–मोटरसाइकल चोरी गरी भाग्दै गरेको अवस्थामा एक जना पक्राउ परेका छन् ।  चितवनस्थित कालिकामाई नगरपालिका वडा नं.१ का रोशन डुम्जनलाई प्रहरीले पक्राउ गरेको हो ।

ना.५३ प ४२८५ नम्बरको हरियो २०० सीसी को पल्सर मोटरसाइकल लक टुटाएर लिएर डुम्जन भाग्दै गरेका थिए । वीरगञ्ज महानगरपालिका वडा नं.१२का कृष्णाकुमार साहको नाममा दर्ता रहेको प्रहरीले जनाएको छ। 

पीडितको सहयोगमा डुम्जनलाई नियन्त्रणमा लिई चोरी सम्बन्धी कसूरमा सम्मानित पर्सा जिल्ला अदालतबाट दिन ५ म्याद लिई अनुसन्धान भइरहेको जिल्ला प्रहरी कार्यालय पर्साका डिएसपी एवं सूचना अधिकारी ओमप्रकाश खनालले जानकारी दिए ।