गोरखाको मनकामनामा ४.१ म्याग्निच्युडको भूकम्प

फाइल फोटो

काठमाडौँ : गोरखाको मनकामना आसपास क्षेत्रलाई केन्द्र बिन्दु बनाएर भूकम्प गएको छ । बुधबार बेलूकी ४ बजेर ५४ मिनेटमा मनकामना क्षेत्र आसपास क्षेत्रलाई केन्द्र बिन्दु बनाएर ४ दशमलव १ म्याग्निच्युडको भूकम्प गएको राष्ट्रिय भूकम्प मापन केन्द्रले जनाएको छ ।

मनकामनामा क्षेत्रमा गएको भूकम्पको धक्का गोरखासँगै चितवन र धादिङमा पनि महसुस भएको थियो । यो २०७२ सालमा गोरखाको बारपाकमा गएको भूकम्पकै परकम्प भएको पनि केन्द्रले जनाएको छ ।