थप ५५४ जनामा कोभिड–१९ संक्रमण पुष्टि

काठमाडौं : नेपालमा शुक्रबार थप ५५४ जनामा कोभिड–१९ पुष्टि भएको छ । यो संगै नेपालमा कोरोना संक्रमितको संख्या २ लाख ६४ हजार १५९ पुगेको छ ।

त्यस्तै कोरोनाका कारण थप ६ जनाको मृत्यु भएको छ भने नेपालमा हालसम्म १९ सय ९ जनाले कोरोनाका कारण ज्यान गुमाएका छन् ।  थप ५८५ जना कोरोनामुक्त हुँदा हालसम्म नेपालमा २ लाख ५७ हजार २२९ जना कोरोनामुक्त भएका छन् ।

नेपालमा हाल ५ हजार २१ जना आइशोलेशनमा छन् भने ३३८ जना क्वारेन्टाइनमा छन् । हालसम्म नेपालमा १९ लाख ७४ हजार ५६१ वटा पिसिआर गरिएको छ ।