२२०० नाँघ्यो सेयर बजार

काठमाडौं : सेयर बजार सूचक नेप्से बिहीबार २२०० बिन्दूमा पुगेको छ । सुरुवाती कारोबारदेखि बढेको सेयर बजार अन्तर दिवसीय (इन्ट्रा-डे) कारोबारमा यो अहिलेसम्मकै उच्चतम् बिन्दूमा पुगेको हो ।

कारोबार बन्द हुन अझै दुई घन्टा बाँकी छ । बुधबार पनि नेप्से २१७८ बिन्दूको उचाईमा पुगेर बन्द भएको थियो । त्यसो त सोमबार नै इन्ट्रा-डे कारोबारमा २२१६.४४ बिन्दूसम्म पुगेर ६१ अंकले घटेको थियो ।

पछिल्ला दिनमा सेयर बजार कीर्तिमानी चुम्ने पथमा लम्किरहेको छ ।

सेयर बजारमा उछाल आइरहँदा मिरमिरे लघुवित्तको सेयर मूल्य १० प्रतिशतले बढेको छ । ११२ अंकले बढेको यसको सेयर १२४१ रुपैयाँ पुगेको छ । नारायणी विकास बैंक, प्रभु लाइफ इन्स्योरेन्स, हिमालयन डेभलपमेन्ट बैंक, एभरेष्ट इन्स्योरेन्स कम्पनी, साल्ट ट्रेडिङ लगायतका कम्पनीहरूको सेयर बढेको छ ।