मिस्टर नेपालको प्रेममा सुष्मा कार्की

काठमाडौँ-  ‘उध्रेको चोली’मा नृत्य गरेर चर्चामा आएकी सुष्मा कार्कीले फिल्म नखेलेको लामै समय भयो । तर पनि विवादित अन्तर्वार्ताले उनलाई बिरानो बनाउन दिँदैनन् । केही समयअघि अभिनेत्री श्वेता खड्कासँग लन्डन पबमा कुटाकुट परेपछि हराएकी सुष्मा अचानक चर्चामा आएकी थिइन् । 

प्रेम सम्बन्ध र ब्रेकअपका खबरले पनि समाचार छाइरहने सुष्माले हालै आफ्नो नयाँ प्रेमी सार्वजनिक गरेकी छिन् । उनले शुक्रबार मात्र इन्स्टामा प्रेमीसँगको फोटो राख्दै आफू प्रेममा रहेको जनाऊ दिएकी हुन् । उनका नयाँ प्रेमी अक्षयजंग रायमाझी हुन् । अक्षय  सन् २०१७ को मिस्टर नेपालका विजेता हुन् । पढाइमा बिबिए सकाएका अक्षयले मध्य बानेश्वरमा जिमघर चलाउँछन् । सुष्माको पोस्टमा अक्षयले लभ रियाक्ट गरेका छन् । 

अक्षयसँग जोडिनुअघि सुष्माको नाम निर्देशक सुदर्शन थापासँग जोडिने गरेको थियो । सुदर्शनसँग छुटेपछि सुष्मा केही समय गायक नरेन शाहीको प्रेममा थिइन् । नरेनसँग छुटेपछि एउटा फिल्म निर्मातासँगको अफेयरमा रहेकी उनले अन्ततः उनलाई पनि छाडेर अक्षयलाई रोजेकी हुन् ।