निजामति कर्मचारी युनियनकाे अध्यक्षमा थापा

सुर्खेत - नेपाल निजामति कर्मचारी यूनियन सुर्खेतको अध्यक्षमा गणेशकुमार थापा चयन भएका छन् । यूनियनको आठौं जिल्ला अधिवेशनले थापालाई सर्वसम्मत चयन गरेको हो । थापाको अध्यक्षतामा १५ सदस्यीय नयाँ जिल्ला कार्य समिति चयन गरिएको छ । अधिवेशनले उपाध्यक्षमा राजीमान बुढा (खुला), वीरेन्द्र पुन (समावेसी) र बेललता बस्नेत (महिला), सचिवमा शिशिरकुमार खड्का, सह-सचिव सुर्यबहादुर खड्का र कोषाध्यक्षमा घनबहादुर बुढालाई चयन गरेको छ ।

कार्य समिति सदस्यमा लोमन केशर खनाल (खुला), विवेक शाही (खुला), डिकेन्द्र राना (खुला), मनोहर उपाध्याय (खुला), बालकुमारी चौधरी (महिला), खुमा भट्टराई (ढकाल) (महिला), यज्ञ वाग्ले र मानबहादुर बस्नेतलाई चयन गरेको छ । केन्द्रीय प्रतिनिधिमा सुशीलकुमार केसी, राजेशकुमार बुढा, सिताकुमारी खत्री (गिरी), उदयबहादुर थापा क्षेत्री र काँशीराम भट्टराईलाई चयन गरिएको छ ।