धनुषामा चिसोले एक महिलाको मृत्यु

फाइल फोटो

जनकपुरधाम - गत केही दिनदेखि अत्यधिक बढेको जाडोले धनुषा जिल्लामा एक महिलाको मृत्यु भएको छ । जिल्लाको क्षिरेश्वरनाथ नगरपालिका ५ निवासी विष्णुदेव यादवको श्रीमती वर्ष ६० की समुद्रीदेवी यादवको जाडोले मृत्यु भएको जिल्ला समन्वय समितिका प्रमुख रामदेव वनरैत यादवले जनाएको छ ।

उनका अनुसार सोमवार बेलूकी चिसो लागेपछि केही बेर थरथराउंदै कांपेर लडेका थिए । तत्कालै उपचारका लागि प्रादेशिक अस्पताल जनकपुरधाममा भर्ना गरिएपनि उपचारकै क्रममा गएराति मृत्यु हो ।

यसैबीच चिसोका कारणले धनुषाका ४ वटा स्थानीय तहले विद्यालय बन्द गरेका छन । जिल्लाको क्षिरेश्वरनाथ नगरपालिका, नगराइन नगरपालिका, मुखियापट्टी र लक्ष्मिनीयाँ गाउँपालिकाले चिसोका कारणले विद्यालयमा बिदा गर्ने निर्णय गरेको छ ।

नगराईन र क्षिरेश्वरनाथ नगरपालिकाले ५ दिन विद्यालय बन्द गर्ने निर्णय गरेको छ भने लक्ष्मिनिया र मुखियापट्टी मुसहरनिया गाउँपालिकाले अनिश्चितकालिन विद्यालय बन्द गर्ने निर्णय गरेको जनाएको छ ।