बलिउड अभिनेत्री उर्वशी रौटेलालाई इजरायलमा सम्मान

मुम्बई - बलिउड अभिनेत्री उर्वशी रौटेलालाई ‘सिम्बोल अफ आर्मर’ नामको सम्मानद्धारा सम्मानित गरिएको छ । उनलाई यो सम्मान इजरायलको सेनाले दिएको हो । 
उर्वशी इजरायलको सेनाबाट आर्मरको प्रतीकबाट सम्मान पाउने पहिलो भारतीय अभिनेत्री हुन् । 

हिन्दी फिल्ममा उतिसारो मौका नपाइरहेकी उर्वशीले फेसनका कार्यक्रममा भने प्रशस्त अवसर पाइरहेकी छिन् । उर्वशी केही समय पहिले सम्पन्न मिस युनिभर्समा निर्णायकको भूमिकामा थिइन् । 

फिल्म तथा सिरिजको कुरा गर्दा उर्वशी जियो स्टुडियोको निर्माण रहने ‘इन्स्पेक्टर’मा रणदीप हुड्डासँग काम गर्दैछिन् भने त्योबाहेक उनी तमिल तथा तेलगु भाषाका फिल्ममा पनि देखिँदैछिन् । फिल्मबाहेक उर्वशी म्युजिक भिडियोमा भने प्रशस्त देखिइरहेकी छिन् । उनले गुरु रंधावा र मोहम्मद रमजानको गीतमा पनि अभिनय गर्दैछिन् ।