बिजुली र इन्धन दुवैमा चल्ने हुवावेको कार

काठमाडौँ - चिनियाँ कम्पनी हुवावे कार विद्युतीय कार बजारमा प्रवेश गरेको छ । अमेरिकाको प्रतिबन्धको बाबजुद हुवावेले आफ्नो विभिन्न महत्वकांछी योजना अगाडी बढाएको हो ।  कम्पनीले अहिले अटो मेकरहरूसँग साझेदारीमा विद्युतीय सवारी निर्माणमा देखिएको छ। हुवावेको प्रविधियुक्त पहिलो विद्युतीय गाडी तयार भई परिक्षणमा लागेको छ । 

हार्मोनी ओएसमा आधारित हुवावे कारको नाम आइटो एम ५ रहने छ। हुवावेको यस कार बिजुली र इन्धन दुबैमा आधारित भएर चल्न सक्नेछ । कम्पनीको कन्ज्युमर बिजनेस ग्रुपका कार्यकारी निर्देशक तथा सीईओ रिचर्ड युले कम्पनीको शीतकालीन उत्पादन लन्च कार्यक्रममा उक्त जानकारी दिएका हुन् । आइटो एम५ इभीको पहिलो डेलिभरी फेब्रुअरी २०२२ मा सुरु हुनेछ। यसलाई अझ विकसित गरि बजारमा पुर्‍याउने जानकारी कम्पनीले दिएको छ । 

सब्सिडी पछि, आइटो एम५ गाडीको मूल्य चिनियाँ बजारमा २ लाख ५० हजार युआनबाट सुरु हुनेछ। यो लगभग २ लाख ८१ हजार युआन मूल्य भएको टेस्लाको मोडेल वाई भन्दा कम छ। जबकि टेस्लाका कारहरू पूर्ण रूपमा विद्युतीय छन्, आइटो एम५ पूर्ण रूपमा विद्युतीय छैन। यसमा ब्याट्री सकिएपछि ड्राइभिङ दायरा विस्तार गर्न इन्धन ट्याङ्की पनि राखिएको छ।