पूर्वशिक्षा सचिव बने परीक्षा बोर्ड अध्यक्ष

काठमाडौँ - राष्ट्रिय परीक्षा बोर्डको अध्यक्षमा महाश्रम शर्मा नियुक्त भएका छन् । गएको भदौदेखि रिक्त रहेको बोर्डको अध्यक्ष पदमा सरकारले शर्मालाई नियुक्त गरेका हो । शर्मा शिक्षा मन्त्रालयका पूर्व सचिव हुन् ।

शिक्षा मन्त्रालयमा बसेर लामो समय काम गरेका शर्मालाई बिहीबार बसेको मन्त्रिपरिषद् बैठकले बोर्डको अध्यक्षमा नियुक्त गर्ने निर्णय गरेको हो । यसअघि मन्त्रालयले बोर्डको अध्यक्षका लागि आवेदन समेत माग गरेको थियो ।

जसमा शर्माले पनि बोर्डको अध्यक्ष हुन आफु योग्य रहेको दाबीसहित आवेदन हालेका थिए । शिक्षाका समस्या र प्रवृत्तिबारे अनुभवी रहेका शर्मालाई माध्यामिक तहको परीक्षा सुधार गर्न बोर्डको अध्यक्षमा नियुक्त गरिएको सरकारका एक मन्त्रीले बताएका छन् ।