तीन ठाउँमा तीन मृत फेला

काठमाडौँ- दाङको बबई गाउँपालिका-५ जौबारीस्थित घुमाउरेको जंगलमा रामबली चौधरी बिहीबार मृत अवस्थामा फेला परेका छन् । रुपन्देही शुद्धोधन गाउँपालिका-७ बस्ने ३७ वर्षीय चौधरी मृत अवस्थामा फेला परेका हुन् ।

त्यस्तै, मोरङको विराटनगर महानगरपालिका-५ आफ्नै डेरामा ५३ वर्षीय भक्तबहादुर सार्की आफ्नै कोठामा बिहीबार मृत अवस्थामा फेला परेका छन् । उनी तेह्रथुम साब्ला-९ का बासिन्दा हुन् ।

मोरङकै मिक्लाजुङ गाउँपालिका-१ स्थित बुत्ले खोल्सी जंगलमा सडिगलेको अवस्थामा हाल नाम, थर, वतन नखुलेका पुरुषको शव बिहीबार फेला परेको प्रहरीले जनाएको छ ।