५११० नमुना परीक्षण गर्दा ५११ मा संक्रमण

काठमाडौँ : पछिल्लो २४ घण्टामा मुलुकभर ५ हजार १ सय १० पीसीआर परीक्षण गर्दा ५ सय ११ जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार संक्रमित हुनेमा २०४ जना महिला र ३०७ जना पुरुष छन् । यो सँगै देशभर संक्रमितको कुल संख्या २ लाख ६० हजार ५९ पुगेको मन्त्रालयले जनाएको छ ।

२४ घण्टामा कोभिडबाट ७ को मृत्यु भएको छ । हालसम्म कोभिडबाट ज्यान गुमाउनेको संख्या १ हजार ८४७ पुगेको छ ।

२४ घण्टामा ६०० जना निको भइ डिस्चार्ज हुँदा कोभिड संक्रमण निको हुनेको संख्या २ लाख ५१ हजार ९१२ पुगेको छ ।

हालसम्म १९ लाख २६ हजार ४७७ पीसीआर परीक्षण भएको मन्त्रालयले जनाएको छ । अहिले सक्रिय संक्रमितको संख्या ६ हजार ३ सय रहेको पनि मन्त्रालयले जनाएको छ । 

पछिल्लो २४ घण्टामा काठमाडौं उपत्यकामा ३१२ जना कोरोना संक्रमित थपिएका छन् ।