विश्वको पहिलो एसएमएस लिलामीमा

काठमाडौँ - हाल विश्वभर टेक्ट म्यासेज गर्न सामान्य भैसकेको छ । पछिल्लो समय प्रविधिको विकास हुँदै गर्दा कल तथा म्यासेज समेत गर्न धेरै कम भैसकेको देखिन्छ । सोसल मिडियाले र इन्टरनेट कलले गर्दा म्यासेजिङ तथा कलमा कमि आएको देखिन्छ ।

आजभन्दा झन्डै ३० वर्षअघि पहिलोपटक पठाइएको म्यासेज भने भोलि अर्थात २१ डिसेम्बरमा लिलामी हुन लागेको छ । यो म्यासेज किन्न चाहने जो कोहीले यसमा बोली लगाइ  आफ्नो बनाउन सक्छन् । प्रथमपटक पठाइएको यो म्यासेज १४ अक्षरको रहेको छ । सन् १९९२ यो म्यासेज भोडाफोनको एक कर्मचारीको नम्बरमा पठाइएको थियो । टेक्स्ट म्यासेज ईन्जिनियर नील पापवर्थद्वारा न्यूबरी, बर्कशायरमा रिचर्ड जार्विसलाई पठाइएको थियो।

पापवर्थ त्यस समयमा एक २२ वर्षीय परीक्षण इन्जिनियर थिए र उनी भोडाफोनमा काम गर्दै थिए। ३ डिसेम्बर १९९२ मा, उनले जार्विसको अर्बिटेल ९०१ ह्यान्डसेटमा क्रिसमसको शुभकामना पठाएका थिए जसलाई पहिलो एसएमएस मानिन्छ ।

यस सन्देशमा १४ क्यारेक्टरहरू प्रयोग गरिएको थियो। सन्देशमा अंग्रेजी भाषामा 'मेरी क्रिसमस' लेखिएको थियो। यो टेक्स्ट मेसेज क्रिप्टोकरेन्सीका साथमा किन्न सकिन्छ। रिपोर्टकाअनुसार यो म्यासेज करिब २ करोड ७३ लाख रुपैयाँमा लिलामी हुनेछ।