भीरबाट लडेर दम्पतीको मृत्यु

बुटवल– भीरबाट लडेर गुल्मीमा एक दम्पतीको मृत्यु भएको छ । मुसिकोट नगरपालिका–१ मा रहेको सामुदायिक वन क्षेत्रको भीरबाट उनीहरू लडेका हुन् । घटनामा परी २६ वर्षीया मनु सार्की र उनकी श्रीमती २५ वर्षकी ज्ञानु परियारको मृत्यु भएको जिल्ला प्रहरी कार्यालय गुल्मीका सूचना अधिकारी पुरुषोत्तम पाण्डेले जानकारी दिए ।

मुसिकोट नगरपालिका–१ बाङ्गेस्थित सिख्राको सामुदायिक बनको गोरेटो बाटोबाट उनीहरु लडेर घाइते भएका थिए । स्थानीय वासिन्दाले लडेपछि घाइते अवस्थामा रहेको भन्ने खबर चौकीमा जानकारी गराएपछि प्रहरी टोली उद्धारमा खटिएका थिए । उनीहरूलाई उद्धार गरी उपचारका लागि जिल्ला अस्पताल तम्घास पठाइएको थियो । 

उनीहरूको उपचारको क्रममा मृत्यु भएको प्रहरीले जनाएको छ । मृतक दुवैको शव गुल्मी अस्पतालमा राखिएको छ । उनीहरूको साथमा रहेका ३ वर्षीय बालक भने सकुशल भुटिएका छन् । जंगलमा पिसाब फेर्न जाँदा एकजना लडेपछि अर्को बचाउने जाँदा दुवै जना तल खसेको हुन सक्ने प्रहरीको अनुमान छ ।