यस्तो छ यमाहाको सस्तो र लोकप्रिय पाँच बाइक

काठमाडौँ- पछिल्लो समय नेपालमा युवाहरूको पहिलो रोजाइमा पर्दै आएको मोटरसाइकल हो यमाहा । युवामैत्री मोटरसाइलको रूपमा यमाहाले नेपाली बजारमा आफ्नो बजेट अनुसारको मोटरसाइलहरू नेपालमा बिक्री गर्दै आएको छ । 

नेपालमा यमाहाको मोटरसाइल बिक्री गर्दै आएको एम.ए.ड्ब्लु इन्टरप्राजेजले नेपालको बाटो अनुकल र युवामाझ लोकप्रिय रहेका आधुनिक मोटरसाइकलहरू नेपाली बजारमा ल्याउदै आएको देखिन्छ । नेपालमा यमाहाका २ लाख २५ हजारदेखि ९ लाख २५ हजारसम्मका बाइकहरू उपलब्ध रहेका छन् । यहाँ तपाईंलाई हाल नेपालमा उपलब्ध रहेको ५ यमाहाको बाइकको बारेमा जानकारी दिइन्छ ।

यमाहा सलुटो

यमाहाले नेपाली सडक सुहाउँदो र थोरै बजेटमा समेत खरिद गर्न सकिने बाइकको रूपमा यमाहा सलुटो नेपालमा हाल २ लाख २४ हजार ९ सय रहेको छ। यमाहा सलुटो इन्धन उपयोगी मोटरसाइलका रूपमा चिनिएको छ । ब्लूकोर इञ्जिन प्रविधिमा आधारित यो मोटरसाइकलको पिकअप निकै उत्कृष्ट छ । यो मोटर साइकलको माइलेज प्रतिलिटर ७८ किलोमिटर रहेको कम्पनीको दाबी छ ।

मोटरसाइकलको फुटरेष्ट र सिट आरमदायी तरीकाले निर्माण गरिएको छ । पछाडिको सिटमा यात्रु बोक्नुपर्ने नेपाली परिवेशलाई ध्यान दिएर मोटरसाइकलको सिट डिजाइन भएको कम्पनीले बताएको छ । मोटरसाइकलमा ‘रेजिन ट्याङ्क कभर’ तथा ट्युबलेश टायर प्रयोग भएको छ । हाल यस मोटरसाइकल युवाहरूमा विशेष आकर्षण रहेको देखिएको छ ।

एसजेड-आर.आर

नेपालमा यमाहा ब्रान्डको अर्को लोकप्रिय बाइकको रूपमा चिनिएको बाइकमा एसजेड-आरआर रहेको छ । नेपालमा हाल २ लाख ५९ हजार ९ सय मूल्यमा बिक्री भैरहेको छ । यस मोटरसाइकलमा रहेको १४९ सीसी क्षमताको एयर कुल्ड, ४ स्टोक, एसओएचसी, २ भल्भ कार्बुरेटर इन्जिनले अधिकतम ७५ सय आरपीएममा १२.१ पीएस पावर र ६००० आरपीएममा १२.८ एनएम टर्क प्रदान गर्छ ।

सेल्फ र किक दुबै स्टार्ट अप्सन रहेको यसमा ५ स्पीड म्यानुयल गियरबक्स रहेको छ । एसजेड आरआर थ्रीमा अगाडि हाइड्रोलिक डिस्क र पछाडि ड्रम ब्रेक दिइएको छ । आरमदायी यात्राको लागि अगाडि टेलिस्कोपिक फर्क र पछाडि स्वीङ आर्म सस्पेन्सन पाउन सकिन्छ । यसलाई नेपाली बाटो सुहाउँदो बाइकको समेत चिनिएको छ ।

एफजेट भी-टु

नेपालमा सर्वाधिक बिक्री भएको अर्को बाइक हो एफजेट भी-टु रहेको छ। युवाहरूमाझ अत्यन्तै लोकप्रिय रहेको यो मोटरसाइकलमा विभिन्‍न फिचरहरू रहेका छन् । २ लाख ९९ हजार ९ सय रुपैयाँ रहेको यस बाइक मूल्य अनुसारको रहेको देखिन्छ । यसले बाइकरहरूलाई प्रदर्शन र दक्षताको अतुलनीय अनुभव प्रदान गर्न सबैभन्दा उन्‍नत यमाहा ब्लू कोर जस्ता विशेषता रहेको छ । ५ स्पीड म्यानुयल गियरबक्स दिइएको यो मोटरसाइकलमा वेट मल्टी डिस्क ब्रेक दिइएको छ । यसमा सिंगल च्यानल एबीएस उपलब्ध रहेको छ । चालकलाई सहज यात्रा गर्न सहयोग पुर्याउन मोटरसाइकलमा अगाडि टेलिस्कोपिक फर्क दिइएको छ भने पछाडि स्वीङआर्म सस्पेन्सन दिइएको छ ।

एफजेड भि टु स्पीडो मिटर, ट्रीप मिटर र टेकोमिटर डिजिटल रहेको यो मोटरसाइकलमा फियुल गज, पिलियन सिट, पिलियन ग्राबरेल, घडी, ट्रीप मिटर काउन्ट, पासलाईट जस्ता विशेषता रहेका छन् ।

एफजेडएस भि टु

यमाहाले नेपाली बजारमा उतारेको अर्को उत्कृष्ट मोटरसाइकलमा एफजेडएस भि टु रहेको छ । यसको नेपाली बजारमा यसको मूल्य ३ लाख २६ हजार ९ सय रहेको छ । यमाहा एफजेड भि थ्रीमा १४९ सीसी क्षमताको एफआई इन्जिन रहेको छ । उक्त इन्जिनले १३ बीएच पावर प्रदान गर्ने गरेको छ । यसमा १३ लिटर क्षमताको फियुल ट्याङ्की दिइएको छ ।

५ स्पीड म्यानुयल गियरबक्स दिइएको यो एफजेडएस भि टुमा वेट मल्टी डिस्क ब्रेक दिइएको छ । यसमा सिंगल च्यानल एबीएस उपलब्ध रहेको छ । चालकलाई सहज यात्रा गर्न सहयोग पुर्‍याउन मोटरसाइकलमा अगाडि टेलिस्कोपिक फर्क दिइएको छ भने पछाडि स्वीङआर्म सस्पेन्सन दिइएको छ ।

स्पीडो मिटर, ट्रीप मिटर र टेकोमिटर डिजिटल रहेको यो मोटरसाइकलमा फियुल गज, पिलियन सिट, पिलियन ग्राबरेल, घडी, ट्रीप मिटर काउन्ट, पासलाईट जस्ता विशेषताले युवाहरू माझ झनै लोकप्रिय बनाएको देखिन्छ ।

एफजेडएस भि थ्री

एफजेडएस भि टु मोटरसाइकलको सफलता पश्चात नेपालमा एमएड्ब्लुले यसको अर्को भर्सन भित्र्याएको थियो । नेपालमा सार्वजनिक भएको केही समयमै यस मोटरसाइलप्रति युवाहरूले विशेष रूची देखाएका थिए । यस बाइकमा यमाहाले हाल ३ लाख ४९ हजार ९ सय रूपैयाँमा बिक्री गर्दै आएको छ । यसमा रहेको फुल डिजिटल इन्ट्रुमेन्ट क्लष्टर र डार्क व्याकराउन्डमा चम्किलो अक्षरहरुका कारण निकै प्रिमियम लाग्‍ने एलसीडी यसमा पाउन सकिन्छ । यही एलसीडीमा स्पीडोमिटर, टेकोमिटर, ओडोमिटर र घडी जस्ता चालकलाई आवश्यक पर्ने सूचना पाउन सकिन्छ ।

झट्ट हेर्दा नै मानिसको ध्यान खिच्‍नसक्ने एलइडी हेडल्याम्प पाउन सकिन्छ । यसमा दिइएको हाइबीमले सेतो प्रकाश दिन्छ भने लोबीमले पहेँलो प्रकाश दिन्छ । एफजेडएस भि थ्रीमा १४९ सीसी क्षमताको सिंगल सिलिण्डर एफआई इन्जिन रहेको छ । उक्त इन्जिनले अधिकतम १३।२ पीएस पावर र १२.८ एनएम टर्क प्रदान गर्ने भएकाले ७० देखि ८० किलोमिटर प्रतिघन्टाको हाइवे ड्राइभलाई यो मोटरसाइकल उत्कृष्ट मानिन्छ ।