जर्मनले कोभिडविरुद्धको खोप उपलब्ध गराउँदा अमेरिकी दूतावासद्वारा खुसी व्यक्त

काठमाडौँ- जर्मनले नेपाललाई कोभिड-१९ विरुद्धको खोप उपलब्ध गराएकोमा नेपालस्थित अमेरिकी दूतावासले खुसी व्यक्त गरेको छ । बिहीबार स्वास्थ्य मन्त्रालमा आयोजित कार्यक्रममा जर्मन दूतावासका पदाधिकारीले करिब ४२ लाख खोप वितरण गरेका थिए । १९ लाख ६५ हजार ६ सय मोर्डना खोप र २१ लाख ७६ हजार ६ सय ५० जोन्सन एण्ड जोन्सन खोप उपलब्ध गराएको थियो ।

विश्वव्यापी समस्याहरूको समाधान गर्न विश्‍वव्यापी समाधान आवश्यक पर्ने दूतावासले जनाएको छ । 'जर्मनी दूतावासको यो उदार सहयोगले भाइरसलाई परास्त गर्नेतर्फको दिशामा एक महत्त्वपूर्ण कदम अघि बढाएको छ,' दूतावासले उल्लेख गरेको छ,' ४१ लाख डोजभन्दा बढी कोभीड-१९ खोप हालै उपलब्ध गराएको समाचार यहाँहरूसँग बाँड्न पाउँदा हामी अत्यन्तै हर्षित छौं।'