सभापतिका उम्मेदवार बिमलेन्द्र निधि र कल्याण गुरुङका प्रतिनिधि नआउँदा मतगणना सुरु भएन

काठमाडौँ – नेपाली कांग्रेसको १४औँ महाधिवेशनअन्तरर्गत सभापति पदको लागि भएको मतदानको गणना राति १ बजेबाट गर्ने भने पनि अझै सुरु हुन सकेको छैन । निर्वाचन समितिले सभापतिका उम्मेदवारको मत गणनाको तयारी गरिरहेको छ । 

मत गणनाको लागि राति १ बजे समय तोकिए पनि सभापतिका उम्मेदवारद्वय बिमलेन्द्र निधि र कल्याण गुरुङका प्रतिनिधि नै नआउँदा सुरु नभएको निर्वाचन समितिले जनाएको छ । कांग्रेसको १४औँ महाधिवेशनमा सभापति पदमा निधि र गुरुङसँगै वर्तमान सभापति शेरबहादुर देउवा, पूर्वमहामन्त्री प्रकाशमान सिंह र केन्द्रीय सदस्य डा.शेखर कोइरालाले उम्मेदवारी दिएका छन् ।