२४ घण्टामा थपिए ३०९३ संक्रमित

काठमाडौंः पछिल्लो २४ घण्टामा मुलुकभर तीन हजार ९३ जना नयाँ कोभिड-१९ संक्रमित थपिएका छन् । स्वास्थ्य तथा जनसंख्या मन्त्रालयको नियमित पत्रकार सम्मेलनमा आठ जना कोभिड-१९ संक्रमितको मृत्यु भएको र यति संख्यामा संक्रमित थपिएको जानकारी दिएको हो । 

२४ घण्टामा उपत्यकामा  एक हजार ७ सय २ जना नयाँ संक्रमित थपिएका छन् । जसमध्ये काठमाडौँमा एक हजार ४ सय ३१, भक्तपुरमा १ सय ४८ र ललितपुरमा एक सय २३ नयाँ संक्रमित थपिएका छन् ।

यो सँगै नेपालमा कुल संक्रमितको संख्या एक लाख ३९ हजार एक सय २९ पुगेको छ । जसमध्य ४१ हजार ७ सय ७५ जना सक्रिय संक्रमित रहेको र बाँकी संक्रमणमुक्त भएर घर फर्किएको मन्त्रालयले जनाएको छ । पछिल्लो २४ घण्टामा दुई हजार १ सय ८  संक्रमणमुक्त भएका छन् । 

२४ घण्टामा ८ जनाको मृत्यु भएसँगै कोभिडबाट मृत्यु हुनेको संख्या सात सय ६५ पुगेको छ ।

अहिले १३ हजार ५ सय ५९ जना कोभिड संक्रमितहरु संस्थागत र २८ हजार १ सय ९६ जना संक्रमितहरु होम आइसोलेसनमा बसिरहेका छन् ।  त्यस्तै, क्वारेन्टाइनमा बसिरहेका संक्रमितको संख्या चार हजार २ सय २० जना रहेको मन्त्रालयले जनाएको छ ।