नेपाली सेनाद्वारा बर्दिया राष्‍ट्रिय निकुञ्‍जबाट चार शिकारी पक्राउ

काठमाडौँ- नेपाली सेनाले बर्दिया राष्ट्रिय निकुञ्‍जबाट हत्तियारसहित चार जना शिकारीलाई पक्राउ गरेको छ । मंगलबार निकुञ्‍जका नेपाली सेना र कर्मचारी सहितको संयुक्त पट्रोल टोलीले भेरी गंगा नगरपालिका ५ का ३७ वर्षे लक्ष्मण गिरी, ६२ वर्षे भद्र बहादुर वली, ५६ वर्षीय ठग बहादुर थापा र २२ वर्षीय ललित घर्तीलाई नियन्त्रणमा लिएका हुन् । 

भरुवा बन्दुक नाल ३ थान,बन्दुकको गोली ४१ थान, छर्रा १०० ग्राम मसिनो, बन्दुकको केप थान खाली १५, बारुद ३ सय ग्राम, रेती १ थान, हँसिया ४ थान, सलाई ५ थान र साईकल छर्रा ३७ थान् सहित पक्राउ परेका हुन् । उनीहरूलाई पक्राउ गरि आवश्यक कारबाहीको लागि बर्दिया राष्ट्रिय निकुञ्‍ज कार्यालय, बर्दियामा बुझाईएको नेपाली सेनाले जनाएको छ ।