नेपाली सेनाले 'लघु चलचित्र' प्रतियोगिता गर्ने

काठमाडौँ- 'नेपाली सेना लघु चलचित्र प्रतियोगिता-२०७८' सञ्‍चालन हुने भएको छ । एक दशक अघिदेखि लघु चलचित्र प्रतियोगिता सुरु भएको थियो । १० औं संस्करण प्रतियोगिताका लागि पुस १ गतेबाट सेनाले फर्म वितरण गर्ने नेपाली सेनाको मुख्यालयले जनाएको छ । पुस १५ गतेसम्म फर्म बुझ्‍ने र माघ २ गतेसम्म स्क्रिप्‍ट बुझाउनु पर्ने छ ।

प्रतियोगितामा प्रथम हुने चलचित्रले २ लाख रुपैयाँ, दोस्रोले १ लाख ५० हजार, तेस्रोले १ लाख र सान्‍तवना ५० हजार रुपैयाँ दुई जनाले पाउने भएका छन् । 'लघु चलचित्र प्रतियोगितामा भाग लिन ईच्छुक व्यक्ति तथा संघसंस्थाले नेपाली सेना सम्बन्धी रचनात्मक तथा नागरिक दृष्टिकोणमा नेपाली सेना र सेनाले गरेका एवं गरिरहेका कार्यहरु झल्किने विषयवस्तुहरू समावेश गरिएको हुनुपर्छ,' नेपाली सेनाले जारी गरेको विज्ञप्‍तिमा लेखिएको छ ।