वायुसेवा निगमद्वारा सोभेनियर सेल्स काउन्टर स्थापना

काठमाडौँ – राष्ट्रिय ध्वजाबाहक नेपाल वायुसेवा निगमले आफ्नो टिकट बिक्री कक्षमा सोभेनियर सेल्स काउन्टरको स्थापना गरेको छ । यात्रुलाई नेपाली मौलिक उत्पादन बिक्री गर्नका लागि काउन्टर स्थापना गरिएको निगमका कार्यकारी अध्यक्ष युवराज अधिकारले बताए । 

बुधबार एक कार्यक्रमकाबीच अधिकारीले सो काउन्टरको उद्घाटन गर्दै नेपाली उत्पादनलाई अन्तर्राष्ट्रिय जगतमा प्रवद्र्धनका लागि काउन्टर उपयोगी हुने विश्वास व्यक्त गरे । केन्द्रीय कार्यालयको टिकट बिक्री कक्षमा खोलिएजस्तै सोभेनियर सेल्स काउन्टर निगमका अन्य कार्यालयमा पनि क्रमशःखोल्दै जाने लक्ष्य राखिएको निगमले जनाएको छ ।

नेपालको कला संस्कृतिलाई अन्तर्राष्ट्रिय जगतमा व्यापकता प्रदान गर्दै विपन्न वर्गको सीपलाई प्रोत्साहन गरी नेपाली उत्पादनलाई स्वदेशी एवम् विदेशी यात्रुका माध्यमबाट अन्तर्राष्ट्रिय जगतमा पु¥याउने उद्देश्यले निगमको टिकट बिक्री कक्षमा सोभेनियर सेल्स काउन्टरको स्थापना गरिएको जनाएको छ ।

नेपाली कच्चापदार्थ बाँस, घाँस आदिबाट बनेका ढक्की, ब्यालेट, पर्सका साथै कप, टि–म्याट, विमान चढ्दा सजिलोका लागि लगाउने नेक पिलो, विमानका नमूनाजस्ता सामान सेल्स काउन्टरमा उपलब्ध हुनेछन् ।