आगलागी पीडितलाई ललितपुर महानगरको सहयोग

काठमाडौँ- ललितपुर महानगरपालिकाले आगलागि पिडितलाई १० लाख रुपैयाँ सहयोग गर्ने भएको छ । गत कात्तिक १९ गते म्ह: पुजाको दिन चक्रबहीलमा आगलागी भई मृत्यु भएका लक्ष्मीकृष्ण ताम्राकारको परिवारलाई १० लाख रूपैयाँ आर्थिक सहयोग गर्ने भएको हो ।

मानवीय क्षतिको अगाडि आर्थिक सहयोग नगन्य हुने भएता पनि नागरिकको पीडाको साझेदार बन्न महानगरले पीडित परिवारलाई सहयोग गरेको जनाएको छ । त्यसै गरी आगलागीमा परेर घाइते भएका सबैको उपचार खर्च महानगरले उठाउनुका साथै घरपुनर्निमाणमा लाग्ने राजश्वसमेत छुट दिने निर्णय गरेको छ ।

घटनामा ६७ वर्षीय राधाकृष्ण ताम्राकार, ३५ वर्षीय छोरी अन्जना, ३५ वर्षीय बुहारी रचना र १० वर्षीय नातीको निधन भएको थियो । यस्तै आगलागीबाट बच्‍नका लागि भाग्ने क्रममा ३२ वर्षीय सिर्जना घाइते भएकी थिइन् ।