भीम रावलले भने- ओलीले जनतालाई धोका दिए

धनगढी : नेकपाका स्थायी कमिटी सदस्य तथा सुदूरपश्चिम ईञ्चार्ज भीम रावलले प्रधानमन्त्री केपी शर्मा ओलीले जनतामाथि विश्वासघात गरेको आरोप लगाएका छन् । धनगढी पुगेर कार्यकर्तालाई सम्बोधन गर्दै रावलले यस्तो बताएका हुन् । 

जनतालाई धोका दिने र विश्वासघात गर्ने काम प्रधानमन्त्री ओलीबाट भएको उनले आरोप लगाए । प्रधानमन्त्री ओलीले प्रतिनिधि सभा विघटन गरेर देश र जनताप्रति गम्भीर घात गरेको रावलको आरोप थियो । 

ओलीले विगतदेखि नै स्थायी कमिटीको बैठकले गरेका निर्णय कार्यान्वयन गर्न पनि बेवस्ता गरेको बताउँदै वर्तमान सरकारलाई काम गर्न दिइएन भन्नु लज्जासपद भएको प्रतिक्रिया दिए । बालुवाटारमा ओलीले पक्षले गरेको केन्द्रिय समितीको बैठक ओली गुटको भेला मात्रै भएको रावलको भनाई थियो ।