नेपाल वायुसेवा निगमको जहाजले खतराजन्य पदार्थ पनि ओसारपसार गर्ने

काठमाडौँ- नेपाल वायुसेवा निगमको जहाजले खतराजन्य पदार्थ ओसारपसार गर्ने अनुमति पाएको छ ।  ६ दशकदेखि कार्गो मात्र ओसारपसारमा सिमित रहेको अब भने खतराजन्य पदार्थ पनि ओसार्ने भएको हो । 

अन्तर्राष्‍ट्रिय नागरिक उड्डयन संगठनको एनेक्स-१८ तथा डक ९२८४ मा उल्लेख भएका खतराजन्य पदार्थसम्बन्धी प्रावधानहरू पूरा गरेपश्‍चात निगमका ए-३२० र ए-३३० जहाजले सामान ओसारपसार गर्ने अनुमति प्राप्‍त गरेको निगमले जनाएको छ ।

सोमबार नेपाल नागरिक उड्डयन प्राधिकरणका महानिर्देक राजकुमार क्षेत्रीले निगमका कार्यकारी अध्यक्ष युवराज अधिकारीलाई अनुमति प्रदान गरेका हुन् । कार्गो भित्र्याउँदा विदेशी मुद्रा भित्र्याउने विश्‍वास लिएको निगमले जनाएको छ । निगमको ए-३३० कार्गो बोक्ने क्षमता १५ टन रहेको छ । निगमले खतराजन्य पदार्थ अन्तर्तग औषधि तथा विद्युतीय सामग्री सहजता हुने विश्‍वास लिएको छ ।