कामना सेवा फुटसल कप २०२१ आयोजना हुँदै

काठमाडौँ - 'स्वास्थ्य शरीर स्वास्थ्य मस्तिष्क' भन्ने मर्मलाई आत्मसात् गरी कामना सेवा विकास बैंकले पुसको दोस्रो हप्ता प्रथम 'कामना सेवा फुटसल कप २०२१' प्रतियोगिता आयोजना गर्ने भएको छ । बैंकको केन्द्रीय कार्यालय भवन परिसरमा आयोजित एक कार्यक्रममा बैंकका संचालक विश्वेश्वर सुवेदी तथा प्रमुख कार्यकारी अधिकृत प्रविण बस्नेतले संयुक्त रुपमा उक्त प्रतियोगिताको घोषणा गरेका थिए ।

सो प्रतियोगिताको व्यवस्थापन तथा सञ्चालन 'खेलपाटी डट कम' ले गर्नेछ भने अखिल नेपाल फुटबल संघ (एन्फा) फुटसल कमिटिमा रहनेछ । प्रतियोगितामा बैंक तथा वित्तीय संस्था तथा बीमा कम्पनीहरुलाई सहभागी गराइनेछ ।

 संस्थाको साख बढाउन दिनरात खटिने बैंक तथा बिमा क्षेत्रका कर्मचारीहरुको स्वास्थ्य तथा निरोगिता प्रवर्द्धन गर्ने तथा संस्थाहरुबीच मैत्रीपूर्ण सम्बन्ध स्थापित र खेलमैत्री वातावरण निर्माण हुने कुरामा आफू पूर्ण विश्वस्त रहेको बैंकका संचालक सुवेदीले बताए ।