बेपत्ता प्रहरी जवान साउद पनि मृत भेटिए

धनगढी : कैलालीको धनगढीमा बेपत्ता प्रहरी जवान रामबहादुर साउद पनि मृत भेटिएका छन् । अस्थायी प्रहरी पोष्ट जुगेडामा कार्यरत जवान साउदको शव पनि प्रहरी सहायक निरिक्षक गोविन्द बिकको शव भेटिएकै क्षेत्रमा फेला परेको प्रहरीले जनाएको छ । सुदूरपश्चिम प्रदेश प्रहरी कार्यालयका प्रवक्ता तथा प्रहरी वरिष्ठ उपरिक्षक मुकेशकुमार सिंहले साउदको शव बिक मृत फेला परेको स्थानभन्दा दुई सय मिटर टाढा मोहना नदीमा भेटिएको बताए ।

र, यो पनि
- असईं हत्या : कैलालीमा काजमा खटाइए एसपी देउवा
- 'अन्तै हत्या गरेर असइको शव नदीमा'
- गस्ती गएका प्रहरी बेपत्ता, एक मृत फेला

गत शनिबार प्रहरी सहायक निरिक्षक विकसँगै गस्तीमा गएका प्रहरी जवान साउद पनि बेपत्ता भएका थिए । विकको आइतवार विहान शव फेला परेको थियो । उनीहरुको हत्यामा संलग्न रहेको आरोपमा प्रहरीले १६ जना पक्राउ गरेको छ भने पक्राउ परेका केहीले प्रहरी जवान र असईको हत्या अन्तै गरेर नदीमा फालेका बयान प्रहरी समक्ष दिएको स्रोतको दावी छ ।