लागूऔषधसहित दुई जना पक्राउ

विराटनगर - लागूऔषसहित प्रहरीले बुधबार एक जनालाई पक्राउ गरेको छ । पक्राउ पर्नेमा धरान उपमहानगरपालिका–१५ बस्ने २१ वर्षीय विशाल खड्का रहेको प्रहरीले जनाएको छ । 

उनलाई  विराटनगर महानगरपालिका–१५ बाट नियन्त्रित लागूऔषधसहित प्रहरीले पक्राउ गरेको हो । भारतबाट नेपालतर्फ पैदल आउँदै गरेका उनलाई लागूऔषध नियन्त्रण ब्यूरोको प्रहरी टोलीले जाँच गर्नेक्रममा ३० ट्याब्लेट नाइट्रोसन, २० एम्पुल लुपिजेसिक, २० एम्पुल एभिल, १० एम्पुल डाईजेल्याब, १० एम्पुल फेनारगन र १० एम्पुल डाईजेपामसहित पक्राउ गरेको हो ।

यस्तै वीरगञ्ज महानगरपालिका–१६ शंकराचार्य गेटबाट नियन्त्रित लागूऔषध ३० ट्याब्लेट नाईट्राभेटसहित सुर्खेत वीरेन्द्रनगर नगरपालिका–८ बस्ने ३३ वर्षीय विजय खरेललाई बुधबार दिउँसो प्रहरीले पक्राउ गरेको छ । भारतबाट नेपालतर्फ आउँदै गरेका उनलाई प्रहरी चौकी इनरुवा खटिएको प्रहरीले जाँच गर्नेक्रममा उक्त लागूऔषधसहित फेला पारी पक्राउ गरेको हो । यस सम्बन्धमा प्रहरीले थप अनुसन्धान भइरहेको प्रहरीले जनाएको छ ।