कांग्रेस सोलुखुम्बु सभापतिमा शेर्पा

सोलुखुम्बु - नेपाली कांग्रेस सोलुखुम्बुको सभापतिमा नाम्गेल जांबु शेर्पा विजयी भएका छन् । आफ्नो निकटतम प्रतिस्पर्धी पार्टीका निवर्तमान सभापति विनोद बस्नेतलाई १ सय ४२ मत अन्तरले पछि पार्दै उनी विजयी भएका हुन् ।

मंसिर २ गते सम्पन्न पहिलो चरणको निर्वाचनमा सभापति पदका तीन उम्मेदवारले कांग्रेसको विधान वमोजिमको मत ल्याउन नसक्दा सो पदका लागि दोस्रो चरणको निर्वाचन मंगलबार भएको हो । कूल ८ सय ९७ मत खसेकोमा सोलु दूधकुण्ड नगरपालिकाका प्रमुखसमेत रहेका शेर्पाले ५ सय १३ र बस्नेतले ४ सय ७१ मत प्राप्त गरेका हुन् ।

पहिलो चरणको निर्वाचनमा ८ सय ८२ मत खस्दा बस्नेतले ४ सय २८ र शेर्पाले ४ सय १८ मत प्राप्त गरेका थिए भने सभापति पदका अर्का उम्मेद्वार राम बस्नेतले ५ मत प्राप्त गरेका छन् । अघिल्लो मतपरिणाम अनुसार १० मत अन्तरले अगाडि रहेका बस्नेत दोस्रो चरणको निर्वाचनमा भने १ सय ४२ मत अन्तरले हार बेहोरेका छ ।