कांग्रेस सुर्खेतको सभापतिमा ८ जनाको आकांक्षा

फाइल फोटो

सुर्खेत - नेपाली कांग्रेस सुर्खेतको जिल्ला सभापतिका लागि धेरैले आकाँक्षा देखाएका छन् । जिल्ला सभापतिका लागि मात्र १० भन्दा बढी नेताहरु आकाक्षीं देखिएका छन् । संस्थापन समूहबाट मात्रै आधा दर्जन नेताहरु जिल्ला सभापतिको आकाँक्षी देखिएका हुन् । काँग्रेस नेता रामचन्द्र पौडेल समूहबाट महादिवेशन प्रतिनिधिमा पराजित भएकाले उम्मेदवार बन्न नपाउने भएका हुन् । 

जिल्ला सभापतिका लागि कर्णाली प्रदेश सरकारका पूर्व सामाजिक विकास मन्त्री यज्ञबहादुर बुढाक्षेत्री, वीरेन्द्रनगर नगरपालिकाका मेयर देवकुमार सुवेदी, टोपबहादुर रावत, नारायणप्रसाद सापकोटा, श्यामकुमार भारती, खड्कबहादुर पोखरेल, विष्णुबहादुर खड्का, कालीप्रसाद शाक्य, र उपेन्द्रबहादुर थापा सभापतिका आकाँक्षी छन् । यीमध्ये बुढा, सुवेदी, खड्का, रावत र भारती सभापतिका बलिया उम्मेद्वार मानिन्छन् । 

बुढा यसअघि १३ औं महाधिवेशनमा जिल्ला सभापतिका प्रतिस्पर्धी हुन् भने खड्का महामन्त्री खड्काकै सहोदर भाई हुन् । खड्का मध्यपश्चिम यातायात प्रालिका अध्यक्ष समेत हुन् । देवकुमार सुवेदी वीरेन्द्रनगर नगरपालिकाका मेयर हुन् । यस्तै गरी शाक्य र सापकोटाले यसअघि दुई पटकसम्म सभापति र सचिवमा पराजय भोगिसकेका छन् । यस अघि भएका वडा, नगर र क्षेत्रका अधिवेशनमा संस्थापन समूहले जितेको छ ।