बाघको छालासहित दाङबाट दुई जना पक्राउ

दाङ - बाघको छालासहित प्रहरीले दाङबाट दुई जनालाई पक्राउ गरेको छ । पक्राउ पर्नेमा तुलसीपुर उपमहानगरपालिका- ५ बस्ने ३१ वर्षीय महेश खड्कासहित अर्का एक जना छन् ।

घोराही उपमहानगरपालिका‍- १६ गडुवाबाट १ थान बाघको छालासहित उनीहहरू पक्राउ परेका हुन् । घोराहीबाट तुलसीपुरतर्फ जाँदै गरेको रा.२ प २६६ नम्बरको मोटरसाइकललाई जिल्ला प्रहरी कार्यालय दाङबाट खटिएको प्रहरीले जाँच गर्ने क्रममा मोटरसाइकलमा सवार उनीहरूलाई उक्त छालासहित फेला पारी पक्राउ गरिएको प्रहरीले जनाएको छ । यस सम्बन्धमा प्रहरीले थप अनुसन्धान गरिरहेको छ ।