प्रकाशमानलाई फकाउन चाक्सीबारी पुगे शशांक

काठमाडौं- नेपाली कांग्रेसका महामन्त्री शशांक कोइराला पूर्वमहामन्त्री प्रकाशमानलाई भेट्न उनकै निवास चाक्सीबारी पुगेका छन् । 

केही दिनअघि सिंहका बारेमा नराम्रो टिप्पणी गरेको भनि आलोचित भएका कोइराला आज (शनिबार) सिंहलाई फकाउन चाक्सीबारी पुगेका हुन् । उनले सिंहलाई 'सरी' समेत भनेकाे स्राेतले बतायाे । कोइरालाले मिडियामा आएजस्तो आफूले नभनेको बताएका छन् । 

तर उनले प्रकाशमानलाई काठमाडौं बाहिर कसैले चिन्दैन भन्ने भिडियोसमेत 'भाइरल' भएको थियो । उनीहरुबीच संस्थापनइतरबाट साझा उम्मेद्‍वार बनाउने विषयमा समेत छलफल भएको सिंहको सचिवालयले जनाएको छ ।