'आइएमइ डबलको डबल अफर'का विजेता सार्वजनिक

काठमाडौँ - इन्टरनेशनल मनी एक्सप्रेस (आइएमइ)ले ‘आइएमइ डबलको डबल अफर’को अन्तिम भाग्यशाली विजेता सार्वजनिक गरेको छ । आइएमइले लक्की ड्रमार्फत बिहीबार (आज) विजेता सार्वजनिक गरेको हो । सो नतिजाअनुसार आइएमइ सेवाग्राही दोलखाका जियेश दाहाल विजेता छनोट भएका छन् । विजेताले १२ लाख ५२ हजार ४ सय ६४ रूपैयाँ जितेका छन् । उनले युएइबाट आइएमइ गरेका थिए ।

आइएमइ गु्रपका अध्यक्ष चन्द्र ढकाल, प्रवन्ध निर्देशक हेमराज ढकाल र ब्राण्ड एम्बासडरद्वय दीपकराज गिरी र दीपाश्री निरौलाले संयुक्त रूपमा प्रविधिमा आधारिक स्टार्ट बटम क्लिक गरी भाग्यशाली विजेता छनोट गरेका हुन् । 

कार्यक्रममा अन्य साप्ताहिक बिजेताहरू पनि घोषणा गरिएको थियो । अध्यक्ष ढकालले रेमिट्यान्सलाई डिजिटलाइजेशन गर्ने गरी काम सुरु गरिएको बताए । उनले रेमिट्यान्सबाट आउने पैसालाई लगानी गर्न सके विदेशमा दुःख गरेको आर्जनको फाइदा लिन सकिने उल्लेख गरे । 

कार्यक्रममा बोल्दै आइएमई ग्रुपका प्रमुख कार्यकारी अधिकृत सुमन पोखरेलले पछिल्लो ३ महिना यता नेपालमा रेमिट्यान्स आप्रवाह खस्किरहेको बताए । चाडपर्वलाई लक्षित गरी आईएमइले असोज १ देखि कात्तिक २६ गतेसम्मका लागि डबलको डबलको डबल अफर ल्याएको थियो । ५७ दिनका लागि कायम सो अफरअन्तर्गत ८ हप्तामा साप्ताहिक २ जनाका दरले १६ जना, दुई महिनामा मासिक २ जनाका दरले ४ जना र बम्पर लक्की ड्रमार्फत १ जना भाग्यशाली विजेता गरी कुल २१ जना लाभान्वित भएका छन् ।