अमेरिकी सहायक विदेशमन्त्री लु नेपाल आउँदै

काठमाडौँ - दक्षिण तथा मध्य एसिया मामिला हेर्ने अमेरिकी सहायक विदेशमन्त्री डोनाल्ड लु आगामी साता नेपाल भ्रमणमा आउने भएका छन् ।  परराष्ट्र मन्त्रालयले मंसिर १ (नाेभेम्बर १७) मा उनको भ्रमण हुन लागेको पुष्टी गरेको छ ।

नेपाल भ्रमणमा आउनुअघि सहायक विदेशमन्त्री लुले कात्तिक २९ देखि माल्दिभ्सको भ्रमण गर्ने कार्यक्रम छ । उनी मालेको भ्रमण सकेर काठमाडौं आउन लागेका हुन् ।

अमेरिकी सहयोग मिलेनियम च्यालेन्ज कर्पोरेसन (एमसीसी) की उपाध्यक्ष फातेमा सुमारको राजनीतिक भ्रमणपछि हुन लागेको अमेरिकी सहायक विदेशमन्त्रीस्तरीय भ्रमणलाइ अर्थपूर्ण मानिएको छ ।

नेपाल भ्रमणका क्रममा प्रधानमन्त्री र अन्य उच्चस्तरीय भेटघाट गर्ने बताइएको छ ।