कनेक्टीङ फ्लाइटको टिकट पनि नेपाल एयरलाइन्सबाटै

काठमाडौँ– नेपाल एयरलाइन्सबाटै टिकट किनेर विभिन्न गन्तव्यमा जान सकिने भएको छ । नेपाल एयरलाइन्स र विभिन्न विमान कम्पनीहरूमा यात्रु र लगेज हस्तान्तरण हुनेगरी स्पेशर प्रोरेट एग्रीमेन्ट (एसपीए) सम्पन्न गरेको हो । 

यो सम्झौताबाट युरोपका विभिन्न सहर, अष्ट्रेलियाको सिड्नी, दक्षिण कोरिया सिउल, कुवेत र बहराइनमा उडान गर्न सकिने निगमका कार्यकारी अध्यक्ष युवराज अधिकारीले बताए । 

नेपाल एयरलाइन्सले थाइ एयरवेज, अल निप्पोन एयरवेज, कुवेत र इमिरेट्स एयरलाइन्ससँग यस्तो सम्झौता गरेको हो । नेपाल एयरलाइन्सबाट तेश्रो मुलुकको गन्तव्यमा जाँदा ट्रान्जिटबाट स्वतः सम्बन्धित एयरलाइन्समा यथानुपातमा यात्रु र लगेज ट्रान्सफर हुने निगमले जनाएको छ ।